Blog d'un goïat d'a Tivier en Peirigòrd

Bona Annada 2012!

2011-12-31T09:42:00.000-08:00

De Periguers a Pau una Bona Annada, bien granada e plan sanciera , ua Bona Annada de l'Eila au Gave e que pueschessen charrejar d'aigas nòva e dau revolum far creisser lo novelum!
Un Bon i Feliç Any Nou, un Buon Ano Nuovo, Buen Año Nuevo,Bonne Année, Un Bun An Nou si Fericit, an Happy New Year...

Temps Clar, un prumier site

2011-09-04T02:24:00.000-07:00

Vene de crear mon primier site via l'utis Google, redigit en quatre lengas, francesa , occitana , catalana e romana.
Sabe pas tròp enquera se vaudra lo còp d'estar creat e emb quin interes zo ai fach.
Benleu nonmas per lo plaser d'escriure coma un filh de loira que vòu se remembrar en tut avançar de cap au Temps Clar, lo Temps Clar d'un avenidor que fai un pauc paur e çai que de lai demòra un pretzfach per chasque jorn.;

https//sites.google.com/site/tempsclar/

Per mai de comoditat per los legidors, los escrichs siran anonciats segon la lenga chausida per l'autor OC, FR, CAT, RO. De còps pòt arribar per cas qu'escribesse de quora en quora quauques textes en angles (ENG).

Temps Clar, un pauc coma una esperança, dau Pais de la Ribiera Esperança(lo flume Dordonha) e 'na metafòra de la mea barrutlada/escorreguda a travers 'questa filh de loira de vita.

Que lo Temps nos sia e nos demòra mai Clar que jamai:

En occitan e" în româna" autorn d'una" veissiga"

2011-08-25T13:49:00.000-07:00

Desjà que me rejauvisse de la montada, de la pujada coma zo dirian en Bearn, dau CAP Peiriguers en PRO D 2, lo seu primier match, amicau, se jugara contra la brava equipa de Romania.
La veissiga sira lo nòstre ballon ovau, Ovalia parlara frances, occitan e romanes dins lo nòstre estadi Dantou de Peiriguers.

Îmi place deja sa vad CAP-UL , echipa noastra de rugbi din Périgueux/Peiriguers sa urca în PRO D2 meciul initial e prietenesc, sa joc împotriva o frumoasa echipa de România.
"Veissiga", "Vezica", va fi balonul oval nostru, Ovalia va vorbi franceza, româna si occitan în stadiul nostru Dantou din Périgueux/Periguers.

Tornat a Pau: Hestivoc edicion 2011 (occitan gascon)

2011-08-19T03:09:00.000-07:00

E òc que'm tòrni a Pau tà Hestiv'Òc setau Edicion, dejà!

Hestiv'Òc 7.0, e que 'm migra hèra e d'aver mancat la grana Cantèra (e avetz avisat açò que soi passat a l'occitan locau gascon e bearnés;-), l'occitan tot alandat com la pòrta d' ua casa uberta, qu'èi aquò,e aciu un beròi aprenentage de la plasticitat linguistica, lisar d'ua parladura ad un auta e dab lo medish plaser, que soi sustot un hilh d'Aquitania on e lemosin en Peirigòrd e gascon en Bearn, e m'an aprés ambedus a popar la lenga a doas honts, e la leit qui s'èi e dat de béver, qu'èi nat sortida deu pis d'ua vaca, l'ua a tast de Monbazalhac e l'auta de Juranson e com ac disen , los vins blancs per la Nosta Dauna e los arrois Brageirac, Fronton , Madiran o Bearn de Belòc, ta lo Noste Sénher).

Hestiv'Òc qu'èi probable çò qui s'èi hèit de melhor entà ilustrar la lenga occitana d'un biais hestiu, un estiu hetiu a truvèrs d'un hestenau de la lenga (e nat sonque dens la soa expression gascona, aciu , a Pau, en Bearn més dens tout l'espandi deus parçans de l'espaci d'Òc e mei luenh enqüera), ocasion d'alanda's a d'autas lengas e culturas (culturas deu Sud, deu Mieidia e d'aulhors com ac dit e la brocadura), ocasion d'alanda's a las bonas taulas ubertas, atauleja's dens un esperit de hèsta viva.

Ocasion de desbrembar la crisi, més, e tota crisi que jamèi nat auta causa que passar un cap o d'auta banda, de l'aute costat d'ua montanha: aquèras montanhas que tan hautas son e 'ns empacharan pas nat d'anar querre e de véder l'Imortèla.

Més pro de pròsa, cai-i a la hèsta! (En Romania un aute pais que coneishi un drin, disen "hai sa mergem la sarbatoare", "cai-i, anem a la hèsta!"

http://www.hestivoc.com

E zo sabetz, i a quand mesma un pitit quauquaren que manca , la presencia de mai d'artistas d'Ennaut dens la cultura occitana, ente son los lemosins e los perigòrds?Chau venir a l'Hestiv'Oc sens s'equiv'Ocar;-D

E dab un drinòt d'espectacle de per carreras dab un drin de chic de medievau.
Videò plaça d'Espanha a Pau.

Maubenaise

2011-08-15T11:18:00.000-07:00

Ai pas 'gut léser de tornar venir sus queu blòg.
Aura, vene de passar un autre cap e un aniversari lo 14 de queu mes d'Aust , dos jorns passats a Peiriguers, ma vila de naissença.
Lo temps a passat e passa enquera... e d'un temps d'un còp era me ven n'a nostalgia que me laisse n'impression de maubenaise.
Trop de temps s'es debanat, me sente estrangier emb un morre d'estrangier dins los ranvers dau necitge d'autres còps.
E çai que de lai , Peiriguers es venguda 'na plan brave pita vila e totjorn emb la soa miraudiosa ciutat medievala e vestitges gallò-romans...nonmas l'aire per me far dau còr tifa-tafa.
Sent-Front, Sent Jorge d'autre costa d'Eila, coma dos barris, dos quartiers de la vila, e las doas tors, Vesona e Mataguerra.
Nostalgia de tot, d'autres còps, de la lenga esvanesida daus merchat, impression de chaminar tot au ras e a costat de quauquaren, impression d'esser vengut ren mas qu'un fora-bandit de torista.
Me demòran ren, nomas, nonmas lo non-ren de las sòbras, e la 'gremas d'Eila...Maubenaise.
Jamai pus deguna nostalgia ne podrai pus aimar, tot aquò me fai mau e me balha lo mau-ben-aise...Maubenaise.
Mas doman sira un brave d'autre jorn, e doman un grun d'esperar de mai en mai lo pitit quauquaren que fai surtir lo grelh de la tuta.

Un pauc de rugbi e un drin de veissiga de Peiriguers a Pau

2011-06-20T12:19:00.000-07:00

Peiriguers, lo CAP en pro D2.

E veiqui 'na bona novela de veire Peiriguers e lo seu rugbi accedir a la prumiera pòrta de l'elita, 'quo es a dire a la Pro D2, ma vila de naissença que se'n va rejunher Pau ma vila de residéncia de l'ora d'aura es 'na novela que me rejauvis que jamai pus .

Òc de segur , aquò m'agrada plan de veire entau la mias doas vilas de" propedeutica occitana" se tornar trobar sus lo brave terrenc d'Ovalia, la terra de la veissiga, e ne sei tot chap-virat.

O cap-virat entà parlar dens un aute parlar.

A l'Oest d'Occitania e dau Nòrd de cap au Sud d'Aquitània, de l'Ennaut au Mieijorn/Mieidia d'una veissiga tota quilhada per un dròp, e de Capsus tà Capbaish, l'Òc de cultura lemosina e peiregòrda e l'Òc de cultura gascona e bearnesa coma l'aiga e lo fuòc, los "filh de loira" e los "hilhs de puta" e que 's van acampar e massar bra'ament dins una mesclada de las bravas e de las "beròias".

Plan segur, la Seccion de Pau (La Section Paloise) es mai titrada que los nòstre CAP de Peiriguers que ven de festejar dignament los seus 110 ans d'existéncia, mas qui zo sap ça que podra 'ribar 'questa remirabla annada que s'anoncia per nosautres.

Quo es un pauc coma se lo Ciranò (enquera que de Brageirac) 'nava crosar lo ferre de l'espada coma l'Aramis (enquera que...d'Aramitz), lo Fébus e los Born dins 'na guerra frairenala au torn d'una veissiga, e lo Montbazalhac contra lo Juranson, veires que s'entrebescharan per la tresesme terç temps.

www.sectionpaloise.com vs www.caprugby.fr

Adiu-siatz mas au reveire si la revedere! D'Occitania de cap a Ardeal e au delai...

2011-05-06T06:50:00.000-07:00

Chars amics,

Me pense que queu blòg es un pauc tròp virat vers lo passat, ma vila de naissença (Peiriguers) , ma vilòta d'enfancia (Tivier), ma vila de residéncia(Pau) , los ranvers ònte ai viscut (Bruxelles/Brussels, Lausanne/Lousona, la mescladissa de las originas occitano-catalano-creòlas etc...)
Un pauc "Ourobouros" tot aquò d'aqui ente la serp se mossega la coa
.
Dins quauques temps, dins los cinc mes entrant, a la bela eissida de l'estiu vau estar mudat en Romania, autre pais, autras lengas (la romana plan segur per la part mager, e un pauc la maghiara, subretot en Transilvania, fai un pauc pensar au boiradis basco-bearnes emper'aqui entre monde de lenga romanica e monde de lenga que sabe pas tròp coma zo dire aqui, "aglutinanta", aqui occitan(e frances)/euskara e alai româna/maghiar e ...frances (au pais dau "bonjourism" i mai de gallicismes que non pas en occitan daus còps).

Sei un pauc lasse, gaste , fatigat , cansat, arrendut de la vita vitanta exagonala, quo un pauc vertat, 'na p'ita enveja de chamjar, de parlar,bajar (pensar) e viure dins una autra lenga.Cai-que-de-lai, tornarai, sens oblidar de far lo vai-e-ven-e-vira entre Ardeal e Aquitania.

Remembres en tròçs.

2011-04-24T13:06:00.000-07:00

Lo 17 de 'briau avia 'na pensada per lo meu paubre pairin, lo jorn de Rampams era per io un jorn de remembre en defòra de tota festa religiosa o civila.

Lo Peirigòrd Verd me manca dempuei que lo vielh es estat saboturat dins lo ranvers de Tolon, luenh, fòrça luenh de Tivier, de la Coquilha , Sent-Peir e Senta Maria de Fregia e subretot quilhs ranvers de Sensaut e la Cossiera e lo luòc de La Vilòta qu'aimava tant.

Facebook, Twitter

2011-04-01T10:38:00.000-07:00

Pas mau lo Facebook, i vau de temps en temps, "de quan en quan" coma zo disen en Gasconha, sabe pas tròp enquera de que parlar mas qu'es un plan brave mejan de s'eschapar de la vita vitanta, fòrça d'egò, a tras questa pòrta d'eschamnhes entre navegadors de la Tota Terra Tela e daus còps l'emergéncia de quauquas revolucions, revolum o rambalhs de novelum de l'autre costat de la Mar Granda de Mediterranea.

Aime talament la conversa multilingue qu'es chausit d'i anar e tornar per i platussar o botar lo n'importa que que me passa per la testa, un jorn en français, un autre en occitan e català, un autre enquera en espanhòu
e portugues, e per chabar d'autres en italian e romana:
Lundi , en français dimarç o dimarts n occitan o català, miercoles en castellano o português, giovedi in italiano la lingua dove il "si" canta si vineri, sa termin în româna...

Per lo dissabte i
p'enquera trobat d'idiòme, benleu 'na mescladissa, un boiradis d'idiòmes variats e desvariats, un pauc de latin, anatz zo saubre...lo plaser de platussar, charrar, faire la causette, 'na p'ita pòrta vas la libertat.

Temps de Carnaval(s)

2011-03-03T12:50:00.000-08:00

Adiusiatz a tots e adishatz a tots deu Bearn, 'chabam d'entrar dins lo brave temps dau Carnaval, lo de Pau quò es segur, la mia vila de residencia, tan coma los autres de Peiriguers, la mia vila de naissença, lo de Nissa, qu'ai jamai 'gut l'eschaença de coneisser e, en defòra d'Occitania, lo de Venesia, lo de Malmedy en pais de Wallonia qu'ai'gut l'eschaencia de viure gojat, en Belgica.

A Pau Sent Pançard a la festa e a Peiriguers lo Petaçon que van estar e jutjats e cramats com'a l'acostumada.

Videòs per venir.

Bon Nadau e Bona Annada 2011

2010-12-23T13:17:00.000-08:00

Filh de loira de goiat , tres setmanas sens escriure p'en mot, "cap nat mot" coma zo disen en Bearn, au mens, se tòrne sus lo blòguitge sira per desirar a totas e tots emper'aqui un Bon Nadau e 'na brava Bona Annada, sanciera e plan granada , subretot per la nòstra lenga que deu tornar trobar lo buf.
Quin sira l'avenidor?

E mai particularament , mai menimosament:

Aus peirigòrds e lemosins, e tota la brava contrada compresa entre Tivier e Neisson sens oblidar las sòbras dau Nontrones e cinqu'a Eissiduelh e totas las brava gent pergosina dins los ranvers de Peiriguers ma vila de naissença,

Aus bearnés que m'an reçaubut, los amics de la vila de Pau e de Juranson , en lemosin tan com en gascon que s'escriu e se ditz tot parier: UN BON NADAU!

Als roergàs e lengadocians e catalans , del costat de la menina de Riupeiros a Vilanova -i-la Geltru (+Xàbia agermanada amb Tivier):

UN BON NADAL!

E, plan segur, ben segur, un an nau/nou benastrugat, un FELIC AN NOU!

Nu am uitat prietenii din România si , în plus, de sigur, un BUN MOS CRACIUN si Un FERICIT AN NOU si la MULTI ANI!

(Merry Christmas and an Happy New Year , un Joyeux Noël et une Heureuses Nouvelle Année pour ceux qui ne comprennent ni les subtilité de l'occitan qu'ils soit limousin , gascon ou languedocien , du catalan et du roumain;-)

Per aprener l'occitan dau Peirigòrd Verd,daus lijams de retener

2010-12-01T10:51:00.000-08:00

Es possible d'aprener l'occitan en Peirigòrd Verd, 'na brava forma de la linga/lenga parlada en Lemosin-Naut, subretot entre los ranvers que van dau Nontrones a Lemòtges, lo meu parlar se tròba leugierament a l'Est, lu/lo d'a Tivier, la Coquilha cinqu'a Eissiduelh e tot aquò dins un bien brave Parc Naturau Regionau dau Peirigòrd-Lemosin.

Veiqui un blòg daus cors de linga organisats per l'escrivan e ensenhaire , ancian inspector de l'Educacion Nacionala en retirada a Javerlhac Sénher Joan-Peir Reidi (emai se Sénher se ditz tanben/maitot Monsur;-) ):

http://jpreydy.canalblog.com/

El fil català:De l'occitan al català

2010-11-28T03:10:00.000-08:00

"In principio erat Vilanova-i-la-Geltru", al començament era Vilanova-i-la Geltru.

Vilanova -i-la -Geltru

L'Hostal Sant Jordi, regularment amb l'àvia, la platja,

i, sobretot, primer contact amb la llengua catalana.

En més d'això, amb el primer contacte amb la llengua occitana( un contact paral.lel amb la francesa i a Tivier gràcies a l'àvi), un "primer vagit" llemosi i despres llenguadocià (sarladès i avaironès) i gasco (Bearn), fou un contacte amb la llengua catalana, gràcies a la meua àvia, Simona, una avaironesa es a dir una roergata, amb origens catalans (occitans i catalans doncs), però, el cami es molt llarg de Vilanova-i-la-Geltru cap al petit poble roergas o avaironès de Riupeiros (el Riu Pedros) al prop de Vilafranca del Roergue.
He oit el català parlat a Vilanova -i-la -Geltru, pero el meu català es molt limitat tan com el meu castellano.

Des de l'adolescencia anava cada estiu a Tarragona, Sitges, Vilanova-i-la Geltru, despres una travessada d'Aragon i Lleida era la ciutat del Principat a on la meua àvia havia mantingut algunes relacions cordials.

Era una occasio bonica, per a jo, sempre curios d'aprendre idiomes variats, d'obrir encara un cop les orelles i despartir entre que es de castellano"es muy guapo, el niño" i que es de català "molt de gust, amic", frases i expressions encara una mica misterioses (al lliceu havia optat per l'alemany en segona llengua despres englès he "estudiat" un poco de castellano i una mica de català fora del sistem escolar a partir dels anar i venir dels viatges entre Peirigurs, Roergue i sobretot Pau, i Vilanova -i-la -Geltru, es els parlars occitans que coneixava crec, que'em han ajudat a comprendre el català col.loquial il el castellano).

Crec que he après a oir , a sentir el català sobretot dins les rambles i els passeigs de Vilanova-i- la -Geltru, dins els magatzems, botigues, o davant una paella valenciana o un excel.lenta crema catalana, llocs diversos on acompanyava l'àvia Simona i les seues amigues Maria , Monse etc..., però crec que el meu català es una mica encara molt occitanitzat.
Desprès, gràcies a Lluis Llach i les seues cançons, Salvador i el disc "Salvador canta Espriu" ("Desperta, es un nou dia, Lllum de retorn de barca, la solitud guanyada!"), i lectures, bàsiques o no, que he progressat ).

Catalunya i també el petit Principat d'Andorra amb la seua llengua official catalana, tot això fou el primer"xoc" i em ha dat una volontat, el gust d' un esforç nou de recuperacio del "patues", no, el "patues" es una llengua germana d'Elx a la Soterrana, dues llengües molt proxims dins una mateixa familla.

Dia per Dia o Jorn apres Jorn entre Bearn e Peirigòrd.

2010-11-09T10:11:00.000-08:00

A la Sent Teodòr las fuelhas que tomban, que tomban coma tan e tan de vitas que chasan de l'aubre de vita.

E òc, Teodòr es lo meu pitit nom e auei i a tan de vielhs que se van emb la lor memòria d'autres còps (mon pairin, nascut un 18 de novembre e mòrt un 17 d'abriau, un mes en "br" coma se ditz soventavetz).

E s'escad doncas, que cadan que cadan, sus un "tuquet" deu Lemosin tan com a la bera cima d'un "tuc" de Gasconha, aqui lo fuelhum cramat de la darrièra*, coma 'na nevia d'Aur e... aciu/aquiu las purmèras nhèus d'abòr* d'aqueras montanhas (las medisha/mesma lenga dins de parlars diferents;-) ).

*Abòr, gascon=Darriera en lemosin=Davalada en lengadocian= Tardor en català=Otoño en castellano.

L'occitan que parle (e mon viatge dins la lenga):I lo lemosin a Tivier

2010-10-20T10:15:00.000-07:00

Ten, avia oblidat de dire e de mostrar mielher l'occitan que parle, en vertat ne parle mai d'un, mai o mens, e, d'en prumier lo lemosin que lo meu pairin me parlava a Tivier, dins aquesta lenga (o linga) quo es a dire dau lemosin, emai dau lemosin-naut tan coma lo de Lemòtges (o Limòtges) emb quauquas variacions dau Peirigòrd Verd, entre Tivier , Eissiduelh e Nontron (Tivier se tròba subre un limite "a/è" dins daus mots coma femnas, chabras ente lo -as es prononciat "a" long o "è" au plurau dau femenin "femnè", "chabrè").

Mos remembres de la lenga son los d'una lenga auvida nonmas de gents, de monde qu'eran pron vielhs per parlar'cepte dins l'annadas 60, lo lemosin, lo meu pairin , òc -de -segur (era nascut en 1905 a Peiriguers, ed era 'na figura dau vilatge d'a Tivier e ranvers), lo monde que coneissia a Tivier n'autre "pepin" , n'autra "menina", e l'òme que fasia de la chadieras(n'avia una subre lo tet de la soa maison!) aus Champs de Sent-Ròc, a Tivier, e lo Monsur Bapel e la soa femna rasí la via ferrada, lo chamin de ferre que davalava d'a Paris en passar per Lemòtges e 'nava a Peiriguers.
E platussavan e platussavan ed ió coma 'nesponja n'ai tot begut sens zo saubre en tut tochar las joguinas de lenha.

Mon pairin, ancian ebenista, filh d'un ebenista en chadieras, puei de "Citroèn" puei ancian de las Pòstas (passet entau de la pòst* a la Pòsta e quò duret 40 ans), eu, sabia plan que parlava 'na lenga en mai dau frances, avia 'na bona cultura tan locala que franchimanda (coneissia tot lo La Fontaine tan coma las faulas, o fablas de Foucault, poèta de Lemòtges, en linga lemosina), avia legit e chantat en lenga d'en cò nòstre, coneissia lo Mistral, frequentava las felibrejadas, ...
Avia pas chabat lo estudís per delai lo "Certificat d'Etudes Primaires" mas avia menat 'na lonja carrièra dins las Pòstas cinqu'au titol de director d'un bureu de pòsta en Provença.

Militava pas per la lenga coma d'autres mai saberuts, mas coneissia ben la situacion de la lenga nòstra, mas l'occitan demorava subretot reservat a l'aspecte ludic de la vita , a la platussada de la vita vitanta subre lo brave merchat d'a Tivier emb lo "Blanchou" e tot l'autres vielhs de l'endrech (quante dise"vielhs": chau 'majenar, carcular, 1905 e las annadas 60 fan daus retirats de la fonccion publica SNCF, Pòsta..., de l'agricultura, daus paisans, daus regents, daus curats, daus mestieraus, daus obriers de las carrieras de gres d'a Tivier, òmes, e femnas, entre 50 e 70 ans d'atge que s'atrevavan sus las plaças d'a Tivier, d'Eissiduelh, de Brantòsme, d'a Nontron , la vila de "Jan Picatau de Sent Barracon") e parlavan ren mas qu'en lenga daus ranvers, una brava lenga clafida de quora en quora de mots frances.Coma tota lenga un pauc diglossica.

Quo es la prumiera forma d'occitan qu'ai apres a parlar vanceis que n'aprenguei d'autras a -si-fòrt de curiositat e d'aurelhas totas dreibidas, aquò se debanava en Peirigòrd Verd, lo meu "país de Cocanha", e benlèu coma zo disia un autre occitan lo vielh esclusier, qu'era pas de mon parlar d'Oc, mas plan de la mesma lenga, Monsur Maratuech," lo Paradís Perdut".

Remembres en vrac d'un viatge en lenga.

Lo prumier còp que gausei parlar en lemosin coma lo Tienòt, mon pairin (mon grand pair) quo es après un viatge en Corresa dins un vilatge que se sonava Meirinhac rasi d'un lac dins los ranvers de las miraudias Monedieiras e dau Puei d'Anhós, avia 15 ans, e me mainei plan que dau monde de 'quilhs ranvers parlavan un "patues" que semblava tot parier a lo d'en cò nòstre, e çai que de lai, tornar davalava d'a París emb los Scouts de France, majenatz!
Avia pron d'auvir e de comprener sens parlar.

L'occitan de 'quilhs ranvers fuguet per ió 'na pòrta dreibida dau vilatge chap a d'autres vilatges e d'autras menas de parlar.
D'un vilatge au tot grand vilatge dau brave monde.

Thiviers/Tivier Xàbia/Javea

2010-10-20T07:40:00.000-07:00

Quin plaser de descobrir auei que mon brave pitit vilatge de Tivier es afrairat emb un autre vilatge rasí la mar, dins lo País Valencian, "El País Valencià" en "llengua valenciana (un idioma fòrça pròche dau catalan) , dos estremes geografics, doas extremitats ente la cultura trobadorenca era espandida i a gaireben mila ans , chau zo dire. Dau Lemosin a la Valenciana un fiau es tendut.
E veiquí una brava occasion , fuec de Diu, de poder parlar entau , quatre lengas, la "française", bien sûr, l'"occitana", òc de segur, dins la plana e brava lenga lemosina, el "valencià", lo valencian fòrça pròche dau català d'Ausias March o de Raimon Llull y, también la "lengua castellana", la lengua de Cervantes e maitot, e tanben, la lenga castelhana o español, la lenga de Cervantes.

Quin plaer no, he descobert avui, que el meu poblet amat de Tivier es agermanat amb un altre poblet dins el País Valencià, tot al prop del mar, on es parla un idioma molt pròxim del català, es a dir dues extremitats , dos extrems entre llocs a on la cultura trobadorenca ha existat mil ans hi ha, ho cal dir.Del Llemosin* a la Valenciana.
I una occasió molt bonica, de poder parlar aixi quatre llengües, la francesa, la occitana, segur que sí, dins la seva varietat llemosina, la valenciana (crec que podem considera-la com a una varietat de català) molt pròxim de la llengua anciana d'un Ausias March o d'un Raimón Llull, y la lengua castellana, el español, la lengua de Cervantes.

Ca c'est un grand plaisir de découvrir que mon village d'enfance , Thiviers, est jumelée avec un village du Pays Valencien, on y parle un idiome proche du catalan, c'est à dire qu'au deux extrêmités il ya deux lieux où la culture troubadouresque s'est exprimée il y a mille ans, il faut le dire.
C'est une belle occasion de pouvoir ainsi parler quatre langues , la française , l'occitane de mon Périgord Vert qui est du bon limousin, le valencien qui est si rpoche de la langue du troubadour Ausias March et du grand philosophe médiéval Raymond Lulle, et, enfin , aussi, la langue castillanne ou espagnole qui est celle du grand Cervantes.

Aqui quauques lijams/ligams subre Thiviers/Tivier e Xàbia/Javea:

Thiviers (en frances , per l'occitan me pense que nos chadra esperar quauquas annadas):

http://www.thiviers.fr/ http://www.thiviers.com/

( mas , sei un goiat d'a Tivier, benleu qu'un jorn farai un pitit site en lemosin subre Tivier e ren mas que Tivier)

Xàbia /Javea http://www.xabia.org/ (en español) http://www.ajxabia.com/ (en valencià)

Subre lo Facebook l'associacion que afaraira Tivier/Xàbia-Thiviers/Javea, se sona(s'apela, se noma) "Amics de Thiviers" quo es pas brave quò, non?

Me pense que , quante i aurá tornamai 'na brava Felibrejada a Thiviers/Tivier los "Amics de Thiviers" de Xàbia siran benvenguts, e nos faran 'na brava festa.

Pas tot los monde que pòt entau joglar emb quatre identitats , lengas e culturas, per un brave mielh d'enrichissament recipròc.

Cai que de lai , a Xàbia an conservat mai de lenga locala (per parlar lemosin a Tivier chau cerchar enquera la perla rara, un vielh qu'a pas trop oblidat los mots d'autres còps), an gardat lo solelh e un carnaval:

*"El Lemosin fou el meu primer vàgit" diua el poeta rossellonés Jacint Verdaguer.

La musica de la video me fai un pauc pensar a las nòstras bandas subretot las daus pais de Dacs o de Baiona.

Hiu/Fiau en dus/dos parlars: d'un cap a l'autre.

2010-05-26T05:01:00.000-07:00

Ten, coma demòre aici a Pau, vila bearnesa e gascona ensajarai d'escriure a l'encòp un fiau dins lo dos parlars occitans qu'aime benleu lo mielh, lo lemosin d'enfancia, brèç de la prima parladura d'enfancia, e lo gascon , subretot en Bearn brèç de la dosesma e pas mens brava dempuei que i demòre fai un brave detzenat d'annadas.

Ten, e com jo e damori aciu , a Pau, vila bearnesa e gascona qui ensajarèi e d 'escríver a l'encòp un hiu dens los parlars occitans qu'aimi çò mielhèr, lo lemosin d'enfancia, brèç de la prime parladura d' enfancia, e lo gascon, sustot en Bearn, brèç de la dusau e nat mensh beròia dempuish qui damori ha un beth detzenat d'annadas.

Benleu un mejan de far coniesser un pauc de Peirigòrd aus Gascons e Bearnes e,
bethlhèu un de har coneishèr un drin de Bearn taus Peirigòrds e Lemosins.

Mas que dire a chamhar(chamjar) de parlar i auria 'na forma de diglossia segonda, una paur, possible, d'esser ridicul de parlar lemosin a Pau e gascon a Peiriguers?
Me remembre enquera dau jorn ente lo meu pairin que seguia sa cura a Cautarets ensajet de parlar coma (emb, amb, dab) un paisan de Bigòrra e cai-que -delai aquò fonccionava, coma per demontar l'unitat prigonda de la lenga nòstra maugrat de las diferenças tan bravas.

M'an balhat l'enveia de parlar e d'escriure a la nòstra mòda...

2010-05-18T15:07:00.000-07:00

Parlar ed escriure "a la nòstra mòda" , quo es a dire en occitan, d'en prumier en brava e plana lenga lemosina e lo prumier fuguet lo meu pairin e tota 'na tiera d'autres, e un remirable professor que desire aurá saludar, un gascon emb originas variadas tan coma io(occitanas gasconas e creòlas reunionas), Peir Bèc.

Peir Bec era l'autor d'un remirable libreton de presentacion de la lenga d'Òc pareguda dins la colleccion universataria parisenca de lenga francesa de las PUF (Presses Universitaires de France: "La langue Occitane") ed una antologia daus trobadors que me dedicacet i a vint e cinc ans a l'occasion d'una brava serada trobadorenca a Paris i avia escrich "emb remembre d'una serada trobadorenca".
Curiosament quo es l'efiech de demorar luenh de Peirigòrd e d'Aquitania (e d'Occitania) que me faguet qu'aguei mestier de tornar trobar lo contacte de la lenga.
Dins lo mezeis temps , seguia lo cors de l'Institut d'Estudis Occitans d'a Paris e de la Maison dau Peirigòrd (emai s'era de sarlades 'na forma de lengadocian força pròcha dau lemosin), cors que m'ajudarem ad escriure melhor dins los mots de la mia lenga.
E mai, aprenguei a comprener emai a parlar emb dau monde d'autres ranvers, lo lengadocian coma lo JF Còsta un ariejés de Scèus (Sceaux) que parlava tanben plan lo català e lo gascon, e lo provençau...l'occitan quo es un pauc çò que d'autres apelen l'Auberja Espanhòla.

Poliglot:Firul în limba româna

2010-04-26T10:09:00.000-07:00

Nu l-am zis, si eu vorbesc limba româna, ca un lemosin-perigord, un putin poliglot,si, atunci , de ce nu un fir intro limba pe care am sutdiat-o doua zece ani ânainte la limbii orientale?
Am studiat limba româna sau, romana mai simplu, sau româneste în 1991-1992-1993 la Paris, la Bucuresti si la Iasi.

Z-avia pas dich, ió parle tanben la lenga romana, coma un lemosin -peirigòrd un pauc poliglòt, e, laidonc, per que non pas un fiau dins una linga qu'estudiei i a vint ans a l'INALCO que sonam la Lengas'O?
Ai estudiat la linga romana, o , tot simplament "la romana" (coma zo disem los romans) o encara dins un curios biais adverbiau "romanejant" o encara coma n'autres diriam "en romanejar" coma se ditz per en lemosinejar", "en occitanejar", "en francimandejar".

Direct dupa s-am scris ceva în limba româna o sa traduc în occitana (dau Lemosin).

Când erau numai un student am vizitat România si Bucuresti, si, ca am fost un pasionat ale limbii în general, mai ales limbiile romanice , am fost un pasionat limbii române, o limba si neo- latina sau romanica , si un putin orientala, o limba pentru sa-m schimb ceva în mecanica mental de a vorbire.

Quante era nonmas un estudiant, ai visitat Romania e Bucarest, e , coma un apassionat de las lengas en generau, mai que mai las lengas romanicas, sei estat un apassionat de la linga romana, "limba româna", 'na linga neo-latina o romanica un pauc orientau, 'na linga per me chamnhar un pitit quauquarn dins la mecanica mentala de la paraula e dau verbe.

Dimenc lu quatre daus mes de 'briau (abriu, abriau): Bona Pascha

2010-04-04T14:50:00.000-07:00

Bona(s) Pascha(s) o Pasca(s) a tot lu brave monde, e chau pa oblidar:

"Vira la moleta , vira la moleta daus uòus coats!"( mai au Mieijorn la moleta s'apela maitot/tanben "Pascada, paschada")

Ed emb Paschas un aire de primtemps, un aire de brava prima se leva, "veiqui lu mes d'abriu, tot reverdis, tot vai florir, tot chanta e tot s'esgaia, veiqui lu mes d'abriu, auva lu rossinhòu , bargieira, auva lu rossinhòu, auva lu rossinhòu bargieira, auva lu rossinhòu..." coma zo ditz tan bra'ament la chançon dau Jean Rebier e An dré Le Gentile (la seguida , zo la trobartez subre lu remirable site lemosin (ente lu Pierigòrd es pas obludat tan coma las Charentas lemosinas: http://www.chanson-limousine.net/ )

Le petit fil de langue française de l'an 2010 (II)

2010-04-04T14:08:00.001-07:00

Bruxelles et nos autres francophonies.

Ce petit fil supplémentaire je le réserverai à quelques souvenirs d'enfance dans l'espace francophone.
Du moins s'agira-t-il de ceux que je puis garder encore en mémoire.

Mon enfance périgourdine connut , en effet une petite éclipse pendant laquelle je vécus un an en Belgique, à Bruxelles, curieusement, près d'une voie ferrée, encore, comme à Thiviers, ma ville d'enfance périgourdine, Thiviers noeud ferroviaire entre Aquitaine et Limousin (en revanche à Pau, je me trouve assez loin de la gare et du funiculaire qui conduit à la ville "haute" et au splendide boulevard des Pyrénées).

Je pourrais certes en parler en limousin, comme autrefois les cheminots entre Nexon et Thiviers, et Dieu sait combien mon grand-père patoisait avec eux, justement, mais, qui sait , peut-être pour évoquer alors les autres langues de nos amis francophones belges, car tous ne sont pas Wallons, mais également Picards, et sans doute me reste-t-il quelque vague souvenir de Carnaval et du "Cwarmé" wallon, comme celui de Malmédy qui doit bien se conclure lui aussi en l'un de ces idiomes locaux qui font la richesse de la francophonie belge, le wallon.

Escotatz me un còp 'questa brava linga de Wallonia au Carnaval de Malmédy, benleu ben i a un maeschant Petaçon (Peiriguers) o un Sent Pençard (Pau) per estar jutjat a la fin:

http://www.youtube.com/watch?v=jInrdY15u2c&feature=related

Et c'est le maire ou, comme on dit en Belgique, le "bourgmestre" (en Suisse le "syndic" et , dans une Occitanie virtuelle lo "conse" o lo "capitol" ou plus simplement lo "maira"), qui tient le discours de conclusion, et en wallon , s'il vous plaît, a -t-on jamais entendu le maire de Périgueux ou celui, ou celle de Pau, en faire autant pour l'occitan en une conclusion de Carnaval, hélas!

La langue d'Oïl aussi sait donner à rire, et je dis bien la langue d'oïl et non celle d'"oui", "pur" francien du bassin parisien, oïl c'est un peu notre soeur du Nord est une langue encore affranchie de certaines des contraintes qu'un Malherbe, aussi grand ses mérites soient-ils, imposa à ce francien devenu français par la grâce des rois:

http://www.youtube.com/watch?v=AC_MaD4e9ys&feature=related

En fait, j'aime assez cette francophonie non parisiano-centrée, non jacobine , un francophonie "girondine" donc? en tout cas une francophonie autre, une francophonie "mille-pattes" qui ne marche pas que sur un seul pied et sur d'autres langues pour les effacer, mais les traitant avec égalité, s'enrichissant de leur présence et de leur gai aiguillon rabelaisien.
Mieux qu'une francophonie "mille-pattes" d'ailleurs car le lombric , bien plus malin vit et enrichit e s'enrichit en retour de cet humus où il s'enfouit.Un francophonie aussi lombriforme que pourrait être le petit vers occitan, ou la puce créole qui la châtouillerait.

La francophonie du Quai d'Orsay et de l'Académie, l'"énarcho-francophonie", une francophonie qui nous distille une langue sans saveur, un bien beau gâchis, est une francophonie de petit coq qui ne peux accepter que l'on puisse câqueter autrement que ses poules de basse-cour, un mille-pattes sans pattes qui se traîne comme un ver et que la première poule anglophone, tellement plus leste et adaptable venue, avalera d'un seul coup de bec, une francophonie qui voudrait qu'on commençât par la flatter.

Mais ne soyons pas si pessimiste, avec mille bons coup pieds au cul, la francophonie pourrait devenir une boutique plus sympahique, aussi, pour nos langues délaissées et sottement méprisées.

Dommage et beau gâchis toujours, en somme, nous y perdrons nos Rabelais et nos Montaigne de demain mais aussi quelques Vincenot ou Desbordes-Valmore (une poétesse francophone, louée par Verlaine et Rimbaud et qui, parfois , commetait quelques poëmes ...en picard) ou nos André Chamson... voir même nos Brassens et Ferré, nos Béart ou nos Brel d'avenir au passage, ils sont francophones , ou simplement "français" mais aussi au détour des prés et des sentier, français par la "talvèra" avec un sillon marginal occitan, catalan ou alsatien,flamand ou picard, créole, comme Chamoiseau.

J'évoquerais plus loin aussi mes voyages chez nos amis Romands et chez le grand Ramuz car là encore la francophonie touche aussi une autre petite particularité qui n'est pas mal non plus, le franco-provençal ou arpitan que n'ignorait d'ailleurs pas l'auteur de Farinet et du texte de "l'Histoire du Soldat".

Sans oublier ces francophonies plus lointaines qui se frottent avec bonheurs aux langues vernaculaires et aux créoles( avec un petit faible pour Saint-Louis du Sénégal et Saint-Louis de la Réunion).

La francophonie ce n'est pas la francophoniâtrie mais l'ouverture en interne, comme en externe aux racines et aux vents dans un même esprit.

Cai que de lai, demorarai totjorn un goiat de la terra lemosina , un goiat d'Oc mesclat de pertot emb un arma de trobador mancat.

Thiviers, qui accueille les philosophes comme Sartre au bien beau nom occitan d'ailleurs comme les gouyats patoisants aux poèmes bricolés dans mon genre, c'est aussi "mon Tivier", Périgueux du grand Montaigne c'est aussi mon Peireguers, qui dans son français cultivé par le latain et le grec allait de temps en temps puiser à la source du limousin et du gascon les mots qui lui manquaient en chemin.
-------------------------------------------------------------------------------------------------------

Un fòrom per platussar ren mas qu'en lemosin: 'chabatz d'entrar.

2010-03-31T04:59:00.000-07:00

Auei me sei dich que me podria mainar de crear un pitit foròm per forrar e borrar e per platussar ren mas qu'en lemosin
Me fau pas tròp d'illusions, òc-de-segur , mas me pense que vau la pena d'ensajar, istòria de n'aprener mai subre lu Lemosin, la linga a la nòstra mòda, avem jamai 'chabat d'aprener de prener e de balhar.
Un foròm es un mejan de mai.

Aqueste forum l'ai 'pelat "'Chabatz d'Entrar" , quò me semblava 'cepte, logic, simple, per un endrech ente lu monde van platussar ed eschamhar/eschamjar en lemosin.

Mas lu fdldfdg* de ròbot que m'a nonmas conservat que lu "chabatz" dau "chabatz d'entrar" qu'avia picat per entrar l'adressa (filh de loira de filh de garça* , fan tot per embestiar lu monde!).

       http://chabatz.forum-actif.eu/forum.htm

      chabatz? mas chabatz que? chabatz d'entrar filhde loira!

E, per los que desiran platussar per delai los limites daus brave Lemosin e far causa comuna emb tot lu brave monde de los que platussan, charran, que parliquejan, que discutejan, que lengarejan... e que te sabe mai , en occitan, i a tanben lu fòrum de tots los occitans: lemosins, auvernats e aupencs, gascons, lengadocians, provençaus... rapelarai queu site qu'es plan 'cepte:

                                                 http://occitania.forumactif.com/

Tivier per ne platussar

2010-03-27T05:35:00.000-07:00

Tivier per ne platusssar, Tivier per ne chantar, Tivier per ne far de pantais rojadós, Tivier p'ita vila de mon enfancia, coma podria oblidar tos ranvers.

Tivier, Tivier, l'endrech mainadier
Tivier, Tivier, entre Eila e Còla
Tivier, Tivier, terra d'enfancia
Tivier, Tivier, país sancier

Tivier, Tivier, los prats bien granats
Veiquí la terra daus goiats
Brava terra peiregòrda
Tot a rasís dau Lemosin

A Tivier sem 'ribats
Dins la prada bien pausats
Sus los termes verdejants
Los cocaus son minjats

Tivier en Peirigòrd!
Tivier dau Lemosin?
Tivier dau Lemosin!
Tivier en Peirigòrd?
Te'n fajas pas
'Quò fai pas ren
Tivier la brava
D'Embdos fai frójar
Daus ranvers lu mielher

Los meus autres blògs: PSICOTRABENOC, platussadas, ...

2010-03-25T06:03:00.000-07:00

Mas zo sabetz, òm pòt pas tot dire en occitan, "on ne peut pas tout dire en occitan", what so on!!!???...

De qué?
Filh de loira de filh de garça, mas se pòt parlar de tot e de ren dins tota linga que Diu e l'Òme an fach!

Veiquí 'na brava ocasion que m'a decidit de botar un cors de "Psicologia dau trabalh e de las organizacions", tot en occitan daus meus ranvers sus la brava malha, l'ai sonat "PSICOTRABENOC" ( http://psicotrabenoc.blogspot.com/ ), e, en passar , veiquí lu lijam dau blòg d'un autre blogaire (me pense provençau o niçarte) consacrat a la sciença e ren mas , nonmas dau fuec de Diu dins la nòstra linga d'ÒC!

Qu zo sap, benleu i aura una Universitat, un jorn prueimar, ente tot l'univers s'ensenhará dins la nòstra linga , i a ren a far si non que damandar l'impossible, emb lu Net avem dins la man la debuta d'un brave pitit quauquaren.

La sciença dins la lenga nòstra: http://scienca.canalblog.com/

E i a los blògs qu'ai chabat per oblidar que z'avia creat i a d un temps d'un còp era, "nonmas per platussar de quora en quora" :

http://platussadas.nireblog.com/

Lu fiau de las videos de GDT (goiat d'a Tivier)

2010-03-24T12:41:00.000-07:00

Quante serai mai saberut dins l'Art de botar de las videòs veiqui au mens la chadena qu'ai començat de crear subre lu site de partatge "Youtube":

"Lemosin Peirigord" http://www.youtube.com/user/LemosinPeiregord?feature=mhw4

I aura me pense quauquas videòs de musica dau folc-lòre lemosin e peirigòrd, de las videòs daus meus viatges en Peirigòrd Verd , Lemosin, dau Bearn ente demòre, d'autras contradas dins los país de nòstra linga d'Òc e d'autres ranvers dins lu brave monde.

Quante aurai 'chaptat (crompat) una camerà que conven òc de segur.

Los blogs e los sites en linga nòstra qu'aime vesitar

2010-03-22T09:50:00.000-07:00

De còps que i a , vau vesitar (o visitar) d'autres blògues , 'na brava ajuda per ió que sei ren mas qu'un amator a las debutas dins lu maine dau bloguitge.

D'en prumier vau vesitar los que son escrichs en occitan dau Lemosin e dau Peirigòrd, puei me vau en Aquitania juscanta Pireneus, legir, escotar e veire (quante i a de videòs) los que pòde legir aisidament en gascon (e sei bien oblijat estant que demòre a Pau en terra bearnesa e donca gascona) , en aragones o en catalan ed espanhòu, e, fin'finala, mai un pauc mai luenh dins lu maine occitan (aime bien per eisemple lu brave site de la Chambra d'Òc http://www.chambradoc.it/ , escrich en occitan de las Valadas occitanas d'Italia emai en franco-provençau o arpitan.

Dempuei que demòre dins la vila dau "Noste Enric" aime bien segre de temps en temps lu site d'un professor ed inspector de l'ensenhament en retirada escrich dins 'na saborosa linga bearnesa (gascona), e en mai d'aquò lu quite site es plan instructiu e organizat qualitadosement (aimariá plan ne legir un entau en lemosin):

Flors de Bearn   http://www.bearnbearn.com/

                              _______________________________________

Per lu Lemosin e lu Peirigòrd i un brave malhum e subre tots los subjects, politica, còps de gulas , informacion localas e musica...

Blogar en oc en Peirigòrd    dins l'emmòtle lemosin

Dins mos ranvers, tot a rasís de Tivier e de Sent Saud o Sensaut, dins lu país verdejant de Brantòsma i a los blòg dau Doctor Jan Ganhaire, escrivan occitan (a escrich de remirables libretons de ficcion dins las colleccion de libres en occitans "A Tots"coma "Lo Libre dau Reir-Lutz" o enquera "Lo darrier daus Lobaterras" auei es un òme politic locau conselher regionau e fòça d'autras chausas enquera:

Joan Ganhaire (Jean Ganyaire): http://www.nama24.com/jeanganyaire/

Mai joùne per entrar dins la carriera i a maitot Marçau Peironin (Martial Peyrouny) que ten 'na cronica dins lu quotidian regionau "Sud-Ouest", professor d'occitan ed escrivan:

http://dictonsoc.blogspot.com/      e       http://peyrouny.blogspot.com/ e enquera

                               http://oc-en-stock.blogspot.com/ dau mesma (en frances)

                                      o dins l'emmòtle sarlades (lengadocian)

E blogar enquera dins la sòbras de tot lu Lemosin , ne i a , ne i a:

En Aquitania

En Occitania

I a un forum desjà plan conegut: http://occitania.forumactif.com/

E recentament 'na brava iniciativa niçarta (o nissarta) per los qu'aiman platussar o charrar dins tot l'espandis de la linga nòstra:

                                    http://charrada.ning.com/

Per la blogòsfera occitana per los que volen far n'esfòrç de cerchar daus blògs e de bògar, a i a lu Bloguitge e apres ia ren mas qu'a picar sus lu clavier:

Prima flor de Sent Saud e fiau de chantadissas

2010-03-18T15:19:00.000-07:00

Chada prima (printemps) i a una votz 'na votz brava e p'ita que me ven de Sensaut e la Cossiera e me chanturleja un refranh ente la flors butan.

Buta la flor, buta la flor
Buta la flor de Sensaut
Veiqui la prima, veiqui la prima
La prima flor de Sensaut

Punta lu jorn emai la flor
Tot a rasís de l'androna*
Ente ió m'agrumelissia
La flor mai brava butava
A la broa de la Drona
Tota la flora, tota flor
Puntava per l'avenidor.

La flor "monta e poïa" coma ditz lu trobador a l"Entrada dau Temps Clar".
'Chabat lu temps de s'acialar, e 'chabat lu de frejurar, 'chabat lu temps daus morres longs, dreibissem (dubrissem) lu temps de festejar e de chantar, quante la vita punta prumiera coma buta la flor.
Sens ren butir au lendoman totas las fenestras s'alandan per viure e s'alegrar.

Chabatz d'intrar, e tu brava prima prim-prima de primtemps, balha nos lu ciau de Sensaut, lu solelh de Cossiera e l'aiga de Drona, la "montanha" dau Pic e la terra de Vilòta, la lind'aiga dau Lac Grand e la benveguda per tot los viatjaires.

Androna*=via=rota

Où l'ome, desvelha te! prumiera tieira

2010-03-16T15:11:00.000-07:00

Me desvelhe tot suau tot suau de l'ibernacion.

Filh de loira , 'quò fai un temps d'un còp era qu'ai pas platussat subre 'queste brave pitit blòg en lemosin, tres braves mes, e me pense que, 'queste filh de garça d'ivern bearnes tan coma peiregòrd, ente fasia freg que jamai pus, emb-de las temperaturas en dejós de 0°, fuguet per quauquaren dins 'na brava ibernacion.

La pensadissa e l'enveja d'escriure ne s'es trobada tota engordesida, tota empesugada, e chaminava, plan-plan, coma lu paubre gigant Gergant dins la fanhas dau Lemosin d'autres còps!

Où , l'òme! me dise, desvelha-te un pauc! leva-te lu pe maleirós, emb-de la prima (lu printemps) e las flors que butan veiqui lu temps de las votacions (o eleccions ) e daus "tocha me la man" o "tocas manetas" coma disen en Bearn e Gasconha , terme qu'a balhat en francitan (la forma locala dau frances parlada per lu monde daus ranvers qu'es a dire un boiradis/mesclatge/mescladissa de frances e d'occitan) "toque manettes". Los "toques manettes" ilhs maitot(=tanben) se desvelhan per chaçar l'elector.

E d'efiech, en 'questa brava annada que s'acomença avem 'gut la colera de Xynthia, quina femnassassa quela d'aquí , 'via n'a curiosa faiçon de celebrar la jornada de la femna la domaisela ventosa, bufadoira ed aigosa quin aigatge; la filha de loira nos faguet petar las parets que ne'n fugueren totas desrochadas, las fenestras e los barratges (paubres vesins de las Charentas!), puei vengueren las discutidas petaçonieiras subre la burqas, los niqab, los burqinis e los petaçons de l'unas subre la testas, e las cagolas de l'ETA o dau FLNC e , sens oblidar lu nòstre brave Petaçon dau Carnaval de Peiriguers(1) e que te sabe mai, e l'identitat nacionala en mai d'aquò e tot los forra-borra ed un fatradis a te'n clafir lo cerveu sens cruveu per ne filtrar ren mas tot un aigatge d'informacions de vam e d'autre vam, e tot aquò, fin'finala , seguit per lu temps de las eleccions regionalas.Quin rambalh fuec de Diu!

Enfin , de las eleccions, ente los que volan balhar una visibilitat o, coma disen los lengadocians que parlan "blós", una "vistabilitat" politica, per la causa de la linga nòstra dins tots los partits que zo volen ben(2), començan de se manifestar, sabe pas se 'quò chamjará grand chausa, mas, coma fau 'na debuta a tot, perqué non, de drecha , de gaucha, dau centre e mai dins los estrèmes trobar de las gents femnas ,òmes qu'an servat un pauc de consideracion per la linga nòstra fai pas de mau.
La linga occitana pòt parlar de tot e de ren tan coma tota linga, linga de maison, liga d'ostau `c , mas vhau par cranher de butar un pauc la parets e d'alandar grandas la fenestras.

Quò es vertat que i a de que desvelhar un pauc lu brave monde e nos surtir fin'finala de l'ibernacion e de las frejuras de l'ivern.

(1) Lu Carnaval de Peiriguers (http://pagesperso-orange.fr/persona.grata/CARNAVALPERIGUEUX.html ) , mens conegut que lo de Pau en Aquitania (http://www.carnavalbiarnes.com/ ),es lu Carnaval de ma vila de naissença que se 'chaba naturalament per la brutlason de l'òrre Petaçon tan coma la dau meschaent Sent Pençard a Pau.
(2)La linga dÒc a 'gut en Bearn ed en Peirigòrd los seus candidats subre la listats des quauques partits politics, e comença d'esser representada per quauques elegits coma l'escrivan e conselher regionau Joan Ganhaire (Jean Ganyaire) o l'editorialista e professor d'occitan , conselher municipau de Brantòsme, miraudiosa p'ita vila ente ai conservat un pauc de familha , Marçau Peironin (Martial Peirouny) o enquera lu filh dau professor de filosofia e lexicografe de l'occitan dau Bearn Miqueu Grosclaude, David Grosclaude per los partits socialista e ecologista daus "Verds".
Òc-de-segur ne i a, sens chap de dobte, d'autres, dins d'autras formacions e me chaudrá desencusar de z'aver obludats, mas quilhs an permetut de mediatisar un pauc mai de la linga nòstra (lemosina, gascona , bearnesa) dins la campanha regionala en Aquitania (en Lemosin, autre region vesina d'ente me sente tot a rasís per l'eime , la linga e la geografia zo sabe pas).

Où l'Òme desvelha te, quo es un pauc ad ió-mesma que parle,sei totjorn a durmir coma 'na loira, un grelh o-d- un teisson-chen dins la tuta.

La linga se convida dins la cmapanha electorala en Aquitania e en Peirigòrd.
Lijams

Sites/Blogues de Joan Ganhaire e de Marçau Peironin (Jean Ganyaire et Martial Peyrouny) :
http://www.nama24.com/jeanganyaire/ medecin, òme politique ed escrivan peirigòrd

http://peyrouny.blogspot.com/ professor d'occitan, jornalista editorialista (SudOuest) , òme politique ed escrivan.

Joan Ganhaire e Marçau Peironin son tots dos sòcis dau Partit Socialista (tan com Paco Boya entarà val d'Aran: http://pacoboya.blogspot.com/ ), David Grosclaude, lu bearnes, que coneisse un pauc, un jornalista, editor de libres d'ensenhament de la linga per los mainatges, es subre la lista d'Euròpa Ecologia, dins la region Aquitania sabe pas se ne i a dins d'autras formacion (lu Modem de Vayron, pareis que s'escriu coma aquò en bearnés, ad un president que parla occitan dau Bearn ed un autre, Jan Lassala/Lassalle que butava autres còps la chançon "Aqueras Montanhas" a l'Amassada Nacionala mas n'ai pas vist de monde que se declaravan actius ad aparar l'avenidor de la linga nòstra subre la listas Modem, ni de l'UMP ni de l'estrèma gaucha o de l'estrèma drecha).
Quo es pas un jutjament de valor, nonmas un constat.

Viure a Pau quante òm es dau Peirigòrd

2009-10-30T15:39:00.000-07:00

(En Lemosin)
A la debuta la chausa era pas tan agradiva qu'aquò, una "delocalizacion" tan coma las vescudas precedentament a Brusseus ed a Paris (que chaudrá ne parlar mai luenh), puei, pauc a chap pauc ai chabat d'entrar dins 'questa "maison navèra", la maison de Bearn (que los bearnes pronocian "biàr") a la seguida de la maison de Peirigòrd, mas totjorn emb-d- aqueste fiau per la linga dins la testa, d'Òc totjorn, aprenguei donc a parlar bearnés tan coma aprenguei a parlar lemosin, mas sens "Tienòt"; m'a chaugut tornar trobar d'autres "Tienòt" emb-d- un interes subretot per lu gascon "dera Vath (o valea) d'Aspa".
Una deslocalizacion chap au Mieijorn ed a las montanhas que "tan hautas son", un pauc coma s'avia seguit un autre peiregòrd apassionat de barrutladas en montanha , lu Comte Aimar d'Arlòt de Sensaut, bien conegut coma jurista (mas, de vertat, avia 'chabat los estudis per se remudar), genealogista de las grandas familhas dau Peirigòrd e, subretot un pireneista afuejat.

(En gascon deu Bearn, sistema en lo)
E atau donc que'm soi metut a parlar dens lo biais d'aqueths parçans naveths...
Quina vila, qui'm cau reconeisher que Pau èi ua plan beròia vila, capitala deu Bearn, un pais qui mantiengèc la lenga nosta (qu'èi a diser la lenga d'Òc) segon lo parlar gascon, e mei de temps que pertot en "lenguia" occitana, e dab un caractèr oficiau dinc au sègle detz e uèit.

Mei grana que Peiriguers ma vila de neishença, mei petita que Bordeus e çò medish en Aquitania qui 'm pensi qu'èi un compromis intereishant, la vila qui passei lo bachelierat beth temps i a, qu'èi vienguda un naveth brèç.

E lu pitit fiau de la linga occitana en Peirigòrd

2009-10-30T05:38:00.000-07:00

La nòstra linga d'Òc es estada parlada e totjorn en Peiregòrd Verd, e Peiregòrd tot sancier, dempuei un brave temps d'un còp era.
E mai se Tivier a pas 'gut lu seu Trobador plan conegut, los Arnaud de Maruelh e autre Guiraut de Bornuelh, Arnaut Daniel (de Rebairac) e Bertran de Bòrn(Autafòrt) eran de quilhs ranvers.
La linga es estada parlada emai escricha sens discontinuar dempuei lu temps dau Gai Saber trobadorenc jurcant'aus Micheu Chapduelh d'Agonac lu Vaure, Joan Ganhaire de Bordelha o enquera lu Joan Peir Reidi (un goiat dau Peirigòrd Verd), nontrones, e que coneisse bien Tivier e sos ranvers...
Aurá la linga s'afortís de l'Ennaut (lu Nòrd) au Mieijorn dau Peirigòrd d'autres mejans de comunicacion coma lu malhum (Internet), quauques sites e blògues son creats e daus sites mai generalistas començan d'aver de paginas en linga locala de Bussiera Badiu cap a Lobejac (dau lemosin au lengadocian nòrd-guïanes) e de La fulhada cap a la Ròcha-Chales (e totjorn dau lemosin, lu de Corresa au país de la "parlanghe" la linga d'oïl de las Charentas e dau Peitiu).
Veiqui un pitit ram de lijams ente la linga se pòt legir tan en lemosin qu'en lengadocian que siajam a Tivier o Al Buga:

D'en prumier per aprener la linga/lenga:

http://aprenemloccitan.free.fr/?Aquitaine:Dordogne

L'Union Occitana Camille Chabaneu (Union Occitane Camille Chabaneau ) balha de cors de linga e de chants lemosin en Peirigòrd Verd emb la participacion de l'escrivan locau Jan Peir Reidi (un professor ed inspector de l'ensenhament en retirada aJaverlhac dins lu Nontrones, Jean-Pierre Reydy reydy@orange.fr ).

Una brava mapa dau Peirigòrd-Dordonha en linga nòstra

2009-10-26T06:25:00.000-07:00

Veiqui 'na brava mapa dau Peirigòrd en linga /lenga nòstra, editada per lo Conselh Generau de Dordonha, i a mai la possibilitat de clicar per los que desiran auvir la linga dau ranvers.
Lu limite entre lemosin (2/3 septentrionau dau maine) e lu lengadocian (sarladés e brageiragués, 1/3 mieijornau dau maine) es pas indicat mas passa per lus ranvers au mieijorn de Terrasson, Montinhac, Sent Cibran,Vern,Vila Amblard, la Fòrça Montpau, Velinas).
A l'Oest se tròban los parlars gascons de Gironda mai lu parlars d'Oïl dau maine peitavin, lus parlars dau cantons de Sent Eulàlia (Saint-Aulaye) son de parlars d'Òïl, parlars que pertanhan au parlar peitavin, que sonan "gabaye"* dins d'enclavas de Gironda, Peirigòrd es , òc de segur 'na terra de linga o lenga d'Òc mas tanben 'na terra de pluralisme linguistic emb lemosin, lengadocian, parlanghe de Sent Aulàlia/Saint Aulaye, e français).

E podretz, en mai d'aquò consultar l'originau (veire , legir ed auvir) subre lo site dau Conselh Generau de Dordonha :

http://communes-oc.cg24.fr/

Per se far 'n'eideia daus parlars de Sent Eulàlia e de las sòbras de peitavin veiqui un brave p'itit lijam, fòrça agradiu de legir, realizat per un jòune linguista de 14 ans :

http://monpatoislegabaye.blogspot.com/

Chau parlar "patues" e mai d'una linga qu'es bon per la santat.

2009-10-25T17:19:00.000-07:00

Un fiau per parlar de plurilinguisme, pluridialectalitat, plasticitat daus cervèu, tot çò qu'aime dins lu fach de me mainar de çò que l'aprenentatge (o aprendissatge) de mai d'una linga o parladura nos balha.
Quo es vertat que, i a quauqu'un temps seguiá 'na formacion en linguistica ed aurá en psicologia, vertat que la psicolinguistica, per parlar saberut, disciplinas ente sei, chau zo dire , nonmas qu'un amador, m'interessa dempuei 'questa impregnacion per las lingas tre lu mainaditge (lu lemosin a Tivier, subretot a Tivier ed Eissiduelh, lu frances òc de segur e lu wallon dins lu ranvers de Brusseus,lu gascon dins los "parçans" de Pau emb una brava preférencia per los parlars de la montanha, la limba româna apresa a l'INALCO ed a Bucarest e Iasi...).
Vau lu còp de ne parlar e platussar qui dessur a plaser.
Sens lu "patues" crese que jamai auria 'gut estat tant agafat per lu "virus" de las lingas.

Los autres parlars occitans:
En Peirigòrd i , òc-de-segur los parlars daus arrondiments de Sarlat (lo del bon Doctor Boissel e dels Contes del Caça Graula) e de Brageirac, mas per ió son d'en prumiers parlars lengadocians dau Peirigòrd que coneisse e parle pas tròp mau, una brava pòrta dau Mieijorn.

En defòra de Peirigòrd

Las autras lingas romanicas de pròche en lonh, lo catalan , las lengas de la peninsula iberica (ente i a pas nomasque l'espanhòu) e las de la peninsula italica(ente i a pas nomas que l'italian) e la lenga parlada en România...

Ten recentament vene de descobrir un site consacrat a l'aprenentatge interactiu e a gratis de las lingas, e lu seu nom es fòrça originau: "Busuu", busuu, dau nom d'una linga d'Africa mai qu'amenaçada de despareisser, un pauc çò que n'autres dins l'espaci occitan sem en situacion de viure:

http://www.busuu.com/

Le petit fil de langue française en Périgord.

2009-10-25T14:49:00.000-07:00

On parle et écrit, et bien évidemment, en langue française, aussi, en Périgord, et pas trop mal, car, bien entendu, le sectarisme culturel ne devrait avoir cours dans la culture, ni du Périgord ni d'ailleurs dans la vraie culture d'Oc en général, il faut chercher hélas plus haut, chez quelques unes de nos élites d'un "En Haut" géographique qui n'a rien de Pyrénéen ni d'Alpages aimables.

Soyons donc magnanimes, nous qui sommes pourtant si affaiblis dans notre pratique d'Oc, avec cette belle langue française qui fut aussi , et d'une certaine manière, l'aiguillon ou le garrot subtil de notre bourreau autant qu'une deuxième arme...
L'âme périgourdine sut après le temps glorieux des troubadours, en jouant un peu sur les sens des mots puisque l'âme du périgourdin c'est aussi , comme pour tout homme de Langue d'Oc, son arme(arma âme et arme y sont , parfois , synonymes dans certains de nos dialectes), fort bien s'y illustrer.

Ainsi le français méridonial prend-t-il, en Périgord, lui aussi son envol, de Montaigne et La Boétie, remarquable auteur du "Contr'Un", à Eugène le Roy (Jacquou le Croquant), Léonce Bourliaguet (de Thiviers) qui enchanta la Bibliothèque Verte, en passant par bien d'autres noms comme, Fénelon ou le moraliste Joseph Joubert (1754-1824) belle plume européenne née au siècle des lumières et natif de Montignac, sans oublier dans les cîmes de la philosophie la contribution du bergeracois Maine de Biran (1766-1824), et même un Talleyrand-Périgord," diable boîteux" haï d'un Bonaparte mais dont la langue des Mémoires n'était pas boîteuse ou encore un Léon Bloy écrivain et polémiste catholique né à Sanilhac sur l'Isle), mais nous en reparlerons là aussi plus tard.
Et je citerais même , pour l'anecdote , un certain Jean Paul Sartre, philosophe existentialiste français, au patronyme si fortement occitan qui passait autrefois ses vacances d'enfance dans ce Thiviers qui est celui de mon enfance. Thiviers qu'il cite d'ailleurs dans son livre "Les mots", un Thiviers qui fut pour lui source de toutes paroles bien qu'il sy ennuya aussi.

On aime écrire, donc, en Périgord, comme d'ailleurs dans toute l'Aquitaine et le Limousin, Limousin à qui va ma grande tendresse, Limousin voisin, qu'un Molière, bien à tort, moqua dans son "Monsieur de Pourceaugnac" ou même un Voltaire en quelques lignes bien peu amènes dans son "Voyage au Limousin", Limousin auquel je dois mon autre Langue, "plana, linda e brava lenga lemosina" , langue qui fit même dire dans la parole catalane du poète Jacint Verdaguer":"El llemosi fou el meu primer vagit", le limousin fut mon premier cri.
A Thiviers je suis sur un noeud et une porte, porte du Périgord ouvrant sur l'Aquitaine et l'Atlantique, à moins que ce ne soit à l'inverse la porte du Limousin, pélerin du Nord qui se rend à Compostelle où marcheur magnétique qui regarde vers Limoges , remontant vers Saint-Martial et se Ostensions.

J'écris en limousin un peu comme l'Arnaut Daniel qui "nada contra suberna" celui qui dans ses vers loués par un Dante dit " ieu soi Arnaut que va cantant e nadi contra suberna" c'est dérisoire , mais j'y trouve mon douloureux enchantement.
Ecrire en Oc , peu o prou, c'est aussi, un peu , nager à contre-courant, notre Occitanie linguistiquement sinistrée s'agrippe alors , telle un radeau de la Méduse à quelques nouveau vents, pauvre petite vielle qui tourne et tourne à n'en plus cesser pour faire entendre sa petite musique.

Mais je suis sûr qu'un jour nos terres d'Oc prendront une(pacifique) revanche culturelle et spirituelle, "fortiter ac suaviter", "fòrt e suau", avec force mais en douceur (devise de Thiviers, en toute langues que Dieu ou la Providence, selon que nous croyions ou non, lui prêtera.
L'Oc y reprendra, peut-être un jour la place qui lui revient: la première, celle du coeur et de l'âme par le fouet de la langue qui brise tous les enclos.

Peut-être me rattraperais-je un peu dans ce fil en parlant de notre français du Périgord, de ses quelques traits de langue d'Oc et de ses auteurs , comme ceux que je citais plus haut.

Mon "exil" d'Oc en terre béarnaise:

La tête en Périgord Vert------------------------------------berceau maternel

Le nez dans l'Atlantique------------------------------------au-delà de l'Isle vient l'Océan

Les yeux en Amérique---------------------qui appela un de mes ancêtres jusqu'en Athabasca

Hautefort au Pays de Born--------------------Bertran bien sûr, le guerrier troubadour

Haut-et-Fort en Pays de Born-----------ne pas confondre c'est en Gascogne

Mi Cyrano mi d'Artagnan--------Montaigne , périgourdin aimait en jouer gascon, latiniste et limousinant

Plante ses pieds en Béarn--------------où je vis maintenant

Mets ses orteils en Pays Basque------un lieu que j'aime aussi

Un brin d'Outremer, une pincée d'Orient aussi

Comme Touneins, comme Castin attirés par un Autre lointain.

Auprès du bon roi Henry, au pays d'un Bernadotte, dernier des Lavilotte.

C'est mon aquitanisme.

Théodore Lavilotte, gouyat de Thiviers.

Lo fiau de la montanha Eth hiu dera montanha Fil de la muntanya Hielo de la muntaña

2009-10-25T14:15:00.000-07:00

Aviatz compres que sei un pauc coma lu brave Aimar, un apassionat de montanha, subretot dins quilhs ranvers: Pirenèus, Montanha lemosina e d'Auvernha, Aupes òc de segur tan coma de çò que ne fa la brava diversitat (lingas , costumas e mai d'una chausa).

Per trobar 'na montanha en Peirigòrd chau'nar en Peiregòrd Verd, e, per 'na montanha, vertat de zo dire, chau se levar d'abora; Peirigòrd es un pais de termes, i a ren au dessur d'un brave 500 m., quatre cent nonanta e un metres en quauqu'un luec de la Seuva (Forest) de Vielhacort, dins los ranvers de Jumilhac, mas, daus còps, entre davalada (autona, darriera) e prima (printemps), emb un pauc de brum davalat daus Monts dau Lemosin, qui zo sap, lu monde pòden se creire dins las nevias d'En Naut?

Los problemas de santat dau Grand (lu "Tienòt") e los meus m'an permetut de descubrir las montanhas emb un plaser que jamai pus, d'en prumier en Auvernha(puei Domat a cinc ans), vesina dau Lemosin, puei dins los Pireneus (a Cautarets e a Luishon), dins Aupes (St Geoire e lu Valais) e fin' finala dins lu Bearn ente demòre aurá.

Sent Saud, Sent Saut o Sensaut (Sensaut e la Cossiera), emb lu Sensaut (veire la fotos en naut, terras dau grand Aimar fan un lijam ed un fiau, argument per platussar mai.

Espere e desire que serai pron abiaissut per ne parlar d'una faiçon que puesches interessar lu monde, e en linga nòstra dins 'queste fiau.

Sensaut en mena de juec interdialectau

2009-10-25T10:50:00.000-07:00

Sensaut e Sensaut son aurá venguts per ió una mena de juegar emb la linga de mon mainaditge e la de ma residéncia, la linga/lenga lemosina d'un golhat d'a Tivier e la lenga d'un ciutadan deu Bearn, d'un nascut de Peireguers e d'un naveth vadut (noveu nascut) de Pau d'un golhat que juega au gojat d'un tuc a l'autre d'Aquitania en mena de pujada-montada vas las plasticitat lengaruda daus apassionats.

Escotatz mai leu questa istòria (emb la dechas òc de segur per un lemosin que s'ensaja au gascon pirenec):

Lemosin

Lu pais de Sent Saut que s'escriu maitot Sensaut se tròba dins los ranvers los mai nauts dau Peirigòrd Verd, rasis dau Lemosin, dins lu Parc Naturau Nacionau dau Lemosin-Peirigòrd.
Quo es vertat, òc de segur, lu Peirigòrd es lu meu pais d'un golhat d'a Tivier nascut a Peiriguers, mas d'un golhat que venguet un "gojat" de Pau, dau Bearn e de la brava chadena daus Pireneus.
E, 'questa remirabla vusda subre la chadena, vertat de zo dire, es la vusda la mai miraudiosa, que jamai fuguet balhada de veire ad un mainatge d'Aquitania.

Emai se sei vengut queu golhat sus terra, los pes dins l'aiga linda de la ribiera d'Eila, la que abeura ma vila de naissença, Peiriguers, la vita m'a botat a quinze ans la testa dins l'aiga tremendosa dau Gave de Pau.

Mas chau zo dire, sei pas 'qui per parlar nonmas de ió mas d'un autre golhat dau Peiregòrd mai conegut dau monde, un daus que s'enamoriguet dau Bearn e de la chadena daus Pireneus.

Golhat , gojat, golhat, gojat, vòle parlar d'un "pais", d'un perigòrd renomat que venguet un amic d'"aquelas montanhas que tan nautas son".

Un jorn que nos trobavem a Cautarets, emb lu meu pairin, lu "Tienòt", quante se prenia la cura de la chaudas aigas, eu me parlet d'un autre daus seus "pais" dau Peireigèord emai dau Peirigòrd Verd que coneissia plan quilhs ranvers de montanha, un Comte, eissit d'un vielh linhatge dau Peirigòrd.

La segonda naissença d'aqueste peirigòrd renomat (nascut enterra d'Oïl chau zo dire) se faguet en atge de quinze dins lu pais de Luishon.
Se lu Peirigòrd era lu breç de la soa naissença, en un luec que li balhet nom e raices, los Pireneus e lors ranvers li balheren alas d'agla e chambas d'una bestia que sonan "sàrri" en gascon de la montanha.
Entau comencet, dempuei de las valeias de Luishon e d'Aran un brave ramelet d'exploracions dins las montanha Pireneus emb de companhons de barrutladas:
Enric Wallon, benleu aparenta au neuropsiquiatre e psicològ dau desvolopament plan conegut,Edoard Wallon, lu grand Franz Schrader,lu seu condiscipoll de la Facultat de Drech de Bordeus,Enric Brulle, lu capitan Prudent,e tota una tiera d'apassionats de belas cimas.
Magenatz-los, luecs subrebeus qu'exploravan: Sierras de Aragón e Serres de Catalunya,Ochagavia de Navarra, tota 'na vita passada a sautejar com'un sàrri (aurá, lemosins, sabetz çò qu'es un "sàrri"), de tuquet en tuquet, de pic en pic,de som en som, e de bom en bom(laquets de montanha en gascon montanhenc), sendareus que serpentejan au dessur de las nivols, entre gorgs e valats,traucs e cròs, giaus e nevias e mai de dos cents jornadas a barrutlar entre França, Espanha ed Andorra emb lu guida Frances Bernat-Salas , ajuòus d'un professor plan conegut de l'Universitat de Pau coma guida de las cimas e nauts sendareus de la nòstra linga d'Òc).
E contunhet sens jamai estar gàste d'un costat a l'autre de la chadena e jurcanta la soa p'ita sòr de Cantabrica emb la Tabla Lechingales, la Peña Vieja, la Torre Cerrada...vesitet cimas e crestas e ranvers mai sornes tan coma las caunhas o baumas granda de la Peira Sent Martin d'Aspa.
Agalhet maitot daus refugis per los apassionats o aficionats de montanha, Tuca Arroi (arroi=rotge), Packe, Baysselance...,passet entau com'un quiropractor menimosament los dets, subre la mapa de la granda eschina de gigant endurmit de la bravas cimas.

A setantae set ans, contunhava que jamai pus de barrutlar, entau com'un golhat de la chambas de sàrri, jamai gàste d'anar e de venir per los chamins d'En Naut.

Volia parlar dau Comte Aimar Arlòt de Sent Saud, lu meu "pais" de Sent Saud e la Cossièra, brave pitit vilatge dau Peiregòrd Verd,que s'enmoriguet daus Monts de Pirèna, òme de barrutladas e dòbras grandas que nos trobat a n'autres peirigòrds, d'un pais de termes aigados o borruts un autre tuquet mai naut enquera a la bela cima d'una terra d'Òc ad una autra terra d'Òc: lu grand Tuc o Pic que li deu seu nom, peirosa embaissada dau Peiregòrd en Bigòrra, nauta embaissada ad un brave 3003 m de naut, lu Sent Saud.
Peirigòrd s'avia trobat un brave pic au Pireneus quo es vertat, 'na delocalizacion que non fai pas de mau, òc de segur! Aquò es vertat e plan mercés Comte Aimar de z'avetz fach.

Gascon (pirenenc)

Eth pais de Sent Saud, escrivut tanben Sensaut, qui èi eth pais deths parçans mei haut de Peirigòrd Verd ath arràs de Lemosin, dens eth Parc Nacionau Naturau de Lemosin Peirigòrd.
Vertat èi que Peirigòrd èi eth men pais de gojat de Tivier vadut a Peiriguers, mes d'un "golhat" qui 's advienguèc un gojat de Pau, deth Bearn e dera cadena grana deths Pirenèus.
Aquesta arremirable vista us era cadena grana qu'èi, vertat d'ac diser, era mei mirabilhosa vista qui's podeva estar balhada de véder tad un mainat d'Aquitania.

Totun, s'es viengut, aqueste gojat,sus terra, eths pes dens er'aiga linda der'arribèra d'Eila, er'arribèra qui abeura Peiriguers era mia vila de neishença, eth medish gojat qui's ne se'n anat botar a quinze ans eth cap dens er'aiga tremenosa deth Gave de Pau.

Mes, que cau ac diser, non soi nat aciu tà parlar de jo mes d'un aute gojat de Peirigòrd, mei coneishut(o conegut), qui's enamorisquèc de Bearn e dera cadena beròia deths Pirenèus.
Que voi parlar d'un "pais" peirigòrd arrenomat, qui's advienguèc un gran amic d'"aqueras montanhas qui tan hautas son".

Un dia que'ns trobavem tà Cautarets, damb eth men pairan eth "Tienòt" e quan e's preneva cura taras aigas caudas, que'm parlèc d'un aute deths sons "pais" deth Peirigòrd e mei, deth Peirigòrd Verd,un Comte vadut d'un vielh linhatge de Peirigòrd.

Era segona neishença d'aqueste peirigòrd arrenomat que's hasèc en atge de quinze ans dens eth pais de Luishon.
Si Peirigòrd era eth sen brèç de familha en un lòc qui li balhèc nom ed arradics, eth Pirenèus qui li balheren alas d'agla e camas de sàrri.

Atau qui's acomencèc dempuish deras vaths de Luishon e d'Aran un beth arram d'exploracions deras nostas montanhas Pirenèus damb companhs d'escorregudas arrenomats:
Enric Wallon, benlhèu aparentat tath plan coneishut neuropsiquiatre e psicològ deth desvolopament Edoard Wallon, eth gran Franz Schrader, eth sen condiscipol dera Facultat de Dret de l'Universitat de Bordèus,Enric Brulle, eh capitan Prudent,e tota ua tiera d'ahuegats de beròias cimas.
Imagenatz eths lòcs suberbeths qu'exploravan:
Sierras de Aragón e Serres de Catalunya,Ochagavia de Navarra, tota ua vita passada a sautejar com un sàrri de tuc en tuc , de pic en pic, de som en som , de cima en cima, de tuca en tuca e de bom en bom, lacas, lacòts, sendareths (o senders) qui serpentejavan enter gorgs honsuts, horats, glaç e nhèus,e mei de dus cents diadas d'escorregudas enter França, Espanha ed Andorra,particularament damb eth gran guida Francés Bernat-Salas, benlhèu un ajòus deths Bernat Salas d'Ovalia e deths Bernat-Salas qui'ns guida ar'Universitat de Pau a truvès deras picas hautas dera nosta lenga d'Òc.
E ça contunhèc shens estar jamès estadit d'anar e viéner d'ua banda ar'auta banda dera nosta cadena pirenenca emei dinc ad aquesta petita sòr Cantabrica damb era Tabla Lechingalés, era Peña Vieja, era Torre de Cerrada...
E vistalhèc cimas e crèstas e lòcs mei sornes com eras espelungas dera Peira Sent Martin d'Aspa.
Adobèc damb amics hèra refugis taths autes ahuegats e aficionats de montanha, Tuca Arroi, Packe, Baysselance, passèc menimosament com un quiropractor eths dits sus era gran esquia de gigant adromit deras cimas hautas.

A setanta e set ans que contunhava d'ac hàser atau com un gojat deras camas de sàrri, jamés estadit d'anar e viéner peths camisn hauts.

Que voi parlar deth Comte Aimar Arlòt de Sent Saud eth men "pais" de Sent Saut o Sensaut e la Cossièra en Perigòrd Verd, un peirigèord qui's enamorisquèc deths Monts de Pirèna, òmi d'escorregudas e d'òbras granas, qui'ns a trobat tà nosauts, peirigòrds,un aute tuquet, mei haut enqüera, ara bera cima d'ua Terra d'Òc ad ua auta Terra d'Òc : eth tuc gran qui li blahèc eth son nom, peirosa embaishada peirigòrda ad un beròi 3003 m de haut, eth Sent Saud.
Peirigòrd e 's aveva trobat un beròi tuc taths Pirenèus, ua delocalizacion qui non hè (o ha) de mau, segur d'ac diser, e qu'arregraciam eth comte Aimar d'ac aver hèit,
Vertat!

Aurá i a mai d'un Sensaut dins ma vita, lu dau Peirigòrd Verd e l'autre dau Luishonés, sens obludar lu brave Comte, un peirigòrd-pirenenc..

Sensaut e lu Sensaut: un peirigòrd dins los Pireneus

2009-10-25T10:41:00.000-07:00

Que m'agrada que jamai pus de saubre que lu pitit vilatge de Sensaut a balhat un nom ad un brave som daus Pireneus;
Aurá que demòre aluenhat dau Peirigòrd, mercés ad un de sos mainatges coneguts lu Comte Aimar Arlòt de Sent Saud(Aymar Arlot de Saint Saud--1853-1951))eissit d'una brava e nòbla familha dau Peirigòrd, jurista, mapografista, topografista mas, subretot,un barrutlaire ed un explorator renomat de montanhas, particularament Pireneus e Cantabricas.
Un "pais" peirigòrd que s'illustra dins los Pireneus quo es un pauc se lu Peirigòrd, pais, m'avia seguit.
Ne parlarai enquera mai dins un autre fiau.

Sensaut e la Cossièra

2009-10-25T10:37:00.000-07:00

Situada dins lu canton administratiu de la comuna de Sent Pardol la Ribiera, Sent Saud (o Sensaut) e la Cossièra es lu vilatjon dau Peirigòrd Verd que lu meu pairin "Tienòt" La Vilòta (Etienne Lavilotte) aimava, lu que, benleu, nos avia dona un nom (mens de 20 La Vilòta/Lavilotte dins lu monde sancier aurá).

E, z'aviatz avisat coma Sensaut es lu brave cuer que vos fai tifa-tafa dins lu brava canton de Sent Pardol la Ribiera (mapa).

A man mancie* ed au Coijant lu maine de Nontronh, a man drecha lu d'a Tivier, lu Lemosin tot a rasís cap a l'En Naut e lu Mieijorn cap a Peiriguers e l'Eila la granda serp d'aigas que se'n va frotjar lu nas en Gasconha girondina.

Benleu lu maine qu'aime lu mai en Peirigòrd Verd, lu breç daus Vilòta, la mia familha.

Aura quante prima s'aprueima (la prima: lu printemps) auve la votz que me ven de Sensaut e daus seus ranvers quante butan las primas flors.

Tivier

2009-10-25T10:29:00.001-07:00

Mas quo es Tivier que me balhet un brave breç ed un prumier emmòtle tot-plen en Peirigòrd Verd, quo es a Tivier e sos ranvers que los meus auvidors de mainatge fugueren breçats a l'encòp per las doas lingas, la francesa e la lemosina, lo lemosin, la linga d'Òc e d'Aur de 'quilhs ranvers.

Tivier (F-24800) es 'na p'ita vila dau Nòrd-Est dau departament de la Dordonha, situada rasi Lemosin, lu breç de la mia familha mairala, los La Vilòta.

Tivier 'na brave p'ita vila , repaus de los que volan bajar a quauquarren ( lu Jean -Paul Sartre passava la soas vacanças de mainatge dins los ranvers) per i trobar l'Esser o i cujar a ren dau tot e i trobar lu Non-Ren ("l'Etre et le Néant" fuguet benleu concebut dins quilhs ranvers).

Per descubrir Tivier veiqui quauques lijams:

La Wiki ò de segur mas la pagina en occitan es enquera bien magrinela:

http://oc.wikipedia.org/wiki/Tivier

E los sites seguents:

www.thiviers.fr

www.thiviers.com

Los ranvers (Pais Tiberenc): www.pays-thiberien.fr
e d'autras sòbras subre lu Google...

Un autre biais de descubrir Tivier es lu libre d'un tiberenc(o tiberian) ben conegut l'autor Léonce Bourliaguet que l'essenciau dau seu roman "Marie mon homme " se debana a Tivier e sos ranvers.

Peireguers

2009-10-25T10:25:00.000-07:00

Peireguers o Periguers es la vila que sei nascut, capitala dau Peirigòrd, dau punt de vusda administratiu la prefectura dau departament frances de Dordonha.

http://oc.wikipedia.org/wiki/Periguers

Filh de loira 'quò fai jà un brave temps d'un còp era que sei pas tornat, a Peireguers sei nascut dins una charriera que se sonava, a l'epòca , charriera d'a Paris, me pense qu'es ren mas la charriera dau 'pitau (l'espitau).

Peiriguers quo es un pauc l'endrech ente chadun en Peirigòrd pòt naisser sens per tan estar vertadierament de Peiriguers, se siatz dau Peirigòrd Verd o de la Dobla, la prefectura e la vila granda de l'espitau per l'En Naut de Dordonha-Peirigòrd, l'En Naut de linga e de cultura lemosina demòra Peiriguers mai que per lu brave monde d'a Sarlat o de Brageirac o enquera de Terrasson que son jà a meitat de Brivas (estajants de Briva , en Corresa vesina).

Quante sei nascut aviam 'na brava maison dins lu barri (fr quartier) de Vesona qu'aviam venduda per servar la d'a Tivier, 'quò me migra bien:-(
Auria plan voùgut naisser dins 'na charriera rasí la Tor de Vesona mai leu que dins un' pitau fred coma 'na banquisa.

Chabatz d'entrar subre lu meu pitit blòg en lemosin

2009-10-25T06:49:00.000-07:00

Chabatz d'entrar en benvenguda subre queu pitit blòg en lemosin d'un goiat d'a Tivier, Tivier, p'ita vila dau Peiregòrd Verd entre Còla ed Eila, en Aquitania, mas rasís los termes dau Lemosin.

Ai creat queste bloguet nonmas per lu plaser de platussar ren mas qu'en brava e plana linga lemosina e, subretot, per tornar trobar los mots esvanesits dempuei la dispareguda dau Grand, lu "Tienòt" (1905-1990) que me parlava, platussava e me nhòrlava e me viòrlava, de còps, dins la linga daus nòstres ranvers.

Aurá demòre, totjorn en Aquitania , mas dins un autre país de linga d'Òc, lu Bearn; m'a chaugut aprener ad adaptar lu lemosin au gascon, i ai metut fòrça que de temps, lu temps que cholia, mas la linga apresa dins lus ranvers , los "parçans" coma zo disen en gascon dau Bearn, de Pau, de la Vath d'Aspa e de Vareton, d'Aussau e d'Ozòm non manca pas gaire d'interés maitot (que'vs poderetz em léger aulhors en gascon sus un autre fiau e sus d'autres blògs e sits).

Mas 'quí, siatz subre lu blòg d'una mena de nostalgia, lu d'un goiat que viguet a Tivier e lus ranvers, lu breç daus reires grands mairaus que son los Sensaut e la Cossièra , Sent Pardol la Ribiera, Jumilhac lu Grand , Nontron, ..., la nostalgia de la linga , lu "patues" le patois, coma disian e "lu- goiat -de- filh- de- loira- de- filh- de -garça- de- goiat- que- podiá- pas- estar", pas estar suau ad escotar ed auvir quilhs platussadis d'anar- zo- saber sens que se mainavan qu'avia carculat e compres çò que disien quilhs vielhs d'un còp era.

Un blòg per tornar trobar , pauc a chap pauc 'na p'ita istòria daus bocins d'una vita de mainatge.

A tots qu'an compres o non , legit o non vos dise , benvenguts!
Siatz dins queu pitit monde en cò vòstre, a Tivier, Sensaut, Sent Pardol , Jumilhac e ranvers dau Peirigòrd Verd ed autres endrechs que la nòstra linga d'Òc atreva enquera.