dimanche 24 avril 2011

Remembres en tròçs.

Lo 17  de 'briau avia 'na pensada per lo meu paubre pairin, lo jorn de Rampams era per io un jorn de remembre en defòra de tota festa religiosa o civila.

Lo Peirigòrd Verd me manca dempuei que lo vielh es estat saboturat dins lo ranvers de Tolon, luenh, fòrça luenh de Tivier, de la Coquilha , Sent-Peir e Senta Maria de Fregia e subretot quilhs ranvers de Sensaut e la Cossiera e lo luòc de La Vilòta qu'aimava tant.

vendredi 1 avril 2011

Facebook, Twitter

Pas mau lo Facebook, i vau de temps en temps, "de quan en quan" coma zo disen en Gasconha, sabe pas tròp enquera de que parlar mas qu'es un plan brave mejan de s'eschapar de la vita vitanta, fòrça d'egò, a tras questa pòrta d'eschamnhes entre navegadors de la Tota Terra Tela e daus còps l'emergéncia de quauquas revolucions, revolum o rambalhs de novelum de l'autre costat de la Mar Granda de Mediterranea.

Aime talament la conversa multilingue qu'es chausit d'i anar e tornar per i platussar o botar lo n'importa que que me passa per la testa, un jorn en français, un autre en occitan e català, un autre enquera en espanhòu
 e portugues, e per chabar d'autres en italian e romana:
Lundi , en français dimarç o dimarts n occitan o català, miercoles en castellano o português, giovedi in italiano la lingua dove il "si" canta si vineri, sa termin în româna...

Per lo dissabte i
 p'enquera trobat d'idiòme, benleu 'na mescladissa, un boiradis d'idiòmes variats e desvariats, un pauc de latin, anatz zo saubre...lo plaser de platussar, charrar, faire la causette, 'na p'ita pòrta vas la libertat.